أقدم لكم اصدقائي اكبر مجموعة من النكت المغربية
هادا طبيب ديال العينين جالس مع خطيبتو ف الجردة.
هز وردة وقال ليها: شايفة هاد الوردة؟
قالت ليه حشمانة: اه.
وهو يرجع إيديه شوية اللور، وقال ليها: ودابا؟
................................................................................................................
واحد مشى كيسعى عند السيكليس، قال ليه: أعطيني مما أعطاك الله!
قال ليه السيكليس: هاك جيب دورة
............................................................................................
هادا واحد الزقرام حط الليمون ياكلو.
حل الأولى، لقاها خامجة ولاحها.
حل التانية، لقاها خامجة ولاحها.
وهو يطفي الضو وحل التالتة دغية وسرطها بلا ما يشوف فيها
...........................................................................................................................
واحد الراجل شارف مشى عند ولدو وقال ليه: شوف ولادك تبارك الله ما يكميو، ما يديروا معصية، وديما يصليو ف الجامع، ونتا عاطيها للڭارو وعمرك ما صليتي ف الجامع وكدير المنكر. ما حشمتيش؟
قال ليه ولدو: هادو ولادي أنا، وأنا اللي مربيهم. وأنا؟ شكون مربيني؟
.......................................................................................................................
واحد التلميد قال للمعلم: واش ممكن شي واحد يتعاقب على شي حاجة ما دارهاش؟
قال ليه المعلم: لا!
قال ليه التلميد: إيوا راه ما درتش التمارين.
.......................................................................................................................
مبوق شاف بلاكة مكتوب عليها: مزرعة أبقار
سول مول المزرعة: كيفاش كتزرعوا البقر؟
تفلى عليه السيد وقال ليه: كنرشوا السكر وكيخرج البقر.
ناض المبوق الغد ليه رش السكر.
رجع من بعد نهار لقى النمل مجموع على السكر.
وهو يقول: يا حليلي على البقر ملي كيكون صغير.
........................................................................................................................
واحد مول الطاكسي دخل للدار مع مرتو، وسدات الباب.
قال ليها: حليه وعاودي سديه.
.........................................................................................................................
المرا: أشنو وقع؟
الراجل جوابها من الحمام: والو، غير القميجة طاحت.
المرا: ولكن داكشي اللي سمعت تقيل.
الراجل: اه، حيت كنت ف القميجة
.......................................................................................................................
سولوا واحد الفار: علاش عزيزين عليك البنات؟
ڭال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند
..............................................................................................
مبوق وقف مورا واحد مكلخ ف الڭيشي.
شوية بدا المبوق كيضحك.
سولو المكلخ: علاش كضحك؟
قال ليه المبوق: عرفت الكود ديالك.
قال ليه المكلخ: أشنو هو يالاه؟
قال ليه المبوق: نجمة، نجمة، نجمة، نجمة.
شبع فيه المكلخ ضحك وقال ليه: غلط، الكود ديالي هو 4011
...........................................................................................................
واحد قال لصاحبو: سلفني 500 درهم الله يرحم بيها الواليدين.
قال ليه صاحبو: 200 درهم اللي عندي.
قال ليه لاخور: ماشي مشكل، عطيها ليا ونبقى نسالك 300 درهم
................................................................................................................
واحد البنت كانت غادية ف الطريق، شوية وقف عليها واحد خينا عجباتو.
قال ليها: عطيني التلفون ديالك.
البنت يصحابها شفار، رمات ليه البورطابل ومشات تجري
...................................................................................................................
واحد المبوق هز التلج من التلاجة، وهو يبدا يقطر ليه.
بدا يشوف فيه شحال وهو يقول: نموت ونعرف فين مشقوق
.................................................................................................................
الزوج : فيا الجوع
الزوجة : أنا مريضة
الزوج : ما عندك زهر، كنا غادي نخرجوا نتعشاو برا أنا وياك
الزوجة : ھھھهه كنت كنضحك معاك يالاه نمشيو نتعشاو
الزوج : حتى كنت كنضحك معاك سيرى وجدي لعشا
...................................................................................................................................
واحد الرباعة مجمعين وكيتناقشوا.
اللي يقول شي حاجة كيحلف والله والله
ناض واحد فيهم قال ليهم: وا غير هدروا بلا ما تحلفوا بالله.
رد عليه واحد اخر: والله ما كدبتي!
.........................................................................................................
واحد البنت كانت كتشوف راسها ف المرايا، وهي تعيط لأمها: ماما، ماما، ماما.
قالت لها أمها: مالكي؟ علاش كتغوتي؟
قالت ليها البنت: ما بقاوش غادي ينوضوا ليا الحبوب في وجهي
قالت ليها أمها: وباش عرفتي؟
قالت لها البنت: لحقاش ما بقاتش بلاصة
..................................................................................................
قالوا ليه : نوض تخدم
قال ليهم : علاش؟
قالوا ليه : باش دير الدار
قال ليهم : علاش؟
قالوا ليه : باش تزوج
قال ليهم : علاش؟
قالوا ليه : باش دير وليدات
قال ليهم :علاش؟
قالوا ليه : باش يخدموا عليك
قال ليهم :علاش؟
قالوا ليه : باش ترتاح
قال ليهم : راني هاكا مرتاح، علاش ندور هاد الدورة كاملة؟
.....................................................................................................................
هادا واحد المكلخ ساقط أربع سنين فالتحضيري.
جا عندو المدير، قال ليه: واش نتا غادي تبقى غي لاصق ليا ف هاد المدرسة؟
ناض الدري كعا، هز شكارتو وخرج. قال ليهم: لهلا يداوي بوكم.
كان معول يولي طبيب.
...............................................................................................................
واحد المعلم سول واحد التلميد، قال ليه: أش بغيتي تكون فاش تكبر؟
قال ليه التلميد: بغيت نكون ولد الحرام.
قال ليه المعلم: علاش أولدي؟
قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام
..........................................................................................................
واحد ووحدة مشاو للبحر، وجالسين ساكتين
قالت ليه برومانسية: كتفكر؟
قال ليها: اه
قالت ليه حشمانة: فاش كتفكر؟
قال ليها: كنفكر... إيلا كان هاد البحر كولو مرقة، شحال من خبزة تقدو
...........................................................................................................................
جوج رجال تلاقاو ف القهوة.
الأول سول التاني: مجوج؟
قال ليه: اه، مجوج بمرا.
قال ليه لاخور: علاش عمرك شفتي شي واحد مجوج براجل
قال ليه: اه
قال ليه لاخور: شكون؟
قال ليه: ختي.
..........................................................................................................
هادو جوج بنات وحدة زوينة ووحدة خايبة تقدموا لشركة بطلب باش تكون وحدة فيهم سكرتيرة
مشاو لعند المدير وقال ليهم: أنا ما كيهمنيش الجمال، أنا كتهمني الكفاءة. غنسول كل وحدة فيكم سؤال باش نشوف شكون اللي تستاهل الخدمة.
سول البنت الزوينة: ماهي بلد المليون شهيد؟
قالت ليه: الجزائر.
قال ليها: ممتاز.
و هو يسول الخايبة: ما هي أسماء المليون شهيد؟
.......................................................................................................................
واحد المبوق شد المانضا وجالس يحسب ف الدار
قال: ها 600 درهم ديال الكرا، ها 800 درهم ديال التقدية، ها 200 درهم ديال الما والضو، وها 500 ديال التبويقة
شوية سمع الدقان على الباب: حل الباب، البوليس هادا
وهو يقطع 500 درهم ديال التبويقة، عاد ناض حل الباب
..........................................................................................................................
هادا واحد الراجل قال لمرتو: جيبي ليا جوج كيسان، واحد فيه الما وواحد خاوي
قالت ليه: علاش؟
قال ليها: نقدر نشرب ونقدر ما نشربش
.........................................................................................................................
واحد جاتو الفاكتورة ديال الما غالية بزاف
عيط للشركة ديال الما قال ليهوم: أهياوينا، ياكما الشتا هاد العام على حسابي؟
..................................................................................................................................
الحفرة والمكلخين
هادي واحد الحفرة كل مرة تايطيح فيها واحد، واحد النهار اجتامعو الناس باش يلقاو شي حل (كولهم مكلخين) ناض الاول قالهم نديرو شي فرملي فالحفرة باش ليطاح يتعالج تماك جا لاخر قاليهم لا نجيبو لامبيلونس تبقا حدا الحفرة باش لي طاح يمشي نيشان لصبيطار، ناض الثالث قاليهم لا نريبو داك الصبيطار او نبنيو واحد آخرحدا الحفرة، ناض واحد آخر قال ليهم لا نسدو ديك الحفرة او نحفرو وحدا أخرى قدام السبيطار
..................................................................................................................................
سكران حرق الضوء الحمر
هادا واحد سكران حرق الضو الحمر
وقفو البوليسي وقال ليه: آ سي راك دزتي ف الضو الحمر
قال ليه السكران: وماشي شي حمورية نيت
...................................................................................................................................
ثلاثة حكمو عليهم بالإعدام
ثلاثة حكمو عليهم بالإعدام اميركي والماني و مغربي.
سولو الأمريكي : باش بغيتي نعدموك بالآلة الكهربائية أو بالسيف ؟ قال : بالآلة الكهربائية، ما خدمتش الآلة اوعفاو عليه . وساولو الألماني : باش بغيتي نعدموك بالآلة الكهربائية أو بالسيف ؟ قال : بالآلة الكهربائية. ما خدمتش الآلة اوعفاو عليه. وساولو المغربي نفس السؤال و قاليهم بالسيف . ناس بداو كايغاوتو عليه و نتا طلبليهم الآلة الكهربائية..! و قاليهم : راه مخدماش ما خدمااااش
.................................................................................................................................
الوزير والببغاء
وزير عربي مشى زيارة البرازيل.. أو تما شاف واحد الببغاء كايهدر بالعربية أو شراه
وحيت ارجع الوزير البلادو سولو واحد الموظف فالجمارك ديال المطار: سيادة الوزير واش هاد الحيوان هذا معاك؟
فرد الببغاء بسرعة: آه.. معايا..!؟
......................................................................................................................................
رئيس دولة عربية مع شعبه
رئيس دولة عربية معروفة استدعى وزير داخليته ليستفسر عن مدى حب الناس له وحقيقة ذلك وسئله : الرئيس : اريد ان اسئلك بصراحة هل الشعب يحبني حقاً ؟
وزير الداخلية : نعم ان الشعب يحبك من كل قلبه ، وعندما ننطق اسمك في اية مناسبة فالجميع يصفق بحرارة.
الرئيس : أهل تجبروهم ام يصفقون بحريتهم؟
وزير الداخلية : طبعا بحريتهم ونحن لا نجبرهم ابداً . ...
لم يقتنع الرئيس بكلام وزير داخليته واراد التأكد بنفسه من ذلك ، وفي احدى المناسبات القومية تخفى بثياب رجل بدوي لكي لا يتعرف عليه احد ودخل قاعة الاحتفال ، وعند بدء الخطابات وذكر اسم الرئيس ، فصفق الجميع والرئيس ابتسم وهو جالس مكتوف الايدي ، وبلحظة ضربه احد الجالسين بقربه على رقبته وصرخ عليه :علاش مكاتصفقش يا الكلب ؟
.........................................................................................................................
الفرق بين الولد والبنت ههههه
ﺍﻟﺒﻨﺖ: ﺑﺎﺑﺎ
ﺍﻷﺏ: ﺣﻴﺎﺗﻲ
ﺍﻟﺒﻨﺖ: بغيت 100 درهم ﻟﻠﺴﻮﻕ
ﺍﻷﺏ: ﻣﻦ ﻋﻴﻮﻧﻲ . .... ...
ﺍﻟﺒﻨﺖ: ﺑﺎﺑﻲ
ﺍﻷﺏ :نعم ﻳﺎ ﻋﻤﺮﻱ
ﺍﻟﺒﻨﺖ بغيـت بورطابلﺟﺪﻳﺪ
ﺍﻷﺏ: دابا نمشي نجيبو ليك . .
ﺍﻟﺒﻨﺖ: ﺑﺎﺑﺎ
ﺍﻷﺏ: نعم ياعوينات ﺑﺎﺑﺎ
ﺍﻟﺒﻨﺖ:بغيت توب جديد
ﺍﻷﺏ: ﺍﻟﻠﻴﻠﻪ ﻴﻜﻮﻥ ﻋﻨﺪﻙ: . .
ﺍﻟﻮﻟﺪ: باﺑﺎ
ﺍﻷﺏ: اش بغيتي يالحمار ، ...... ﺗﻢ ﺣﺬﻑ ﻣﺎﺗﺒﻘﻰ ﻣﺮﺍﻋﺎﺓ ﻟﻤﺸﺎﻋﺮ ﺍﻟﺸﺒﺎﺏ هههههههههههههههه
سكران حيد جلابة
كالك هدا واحد سكران دخل لدار حيد الجلابة و علقها..... وداز شوية و طاحت و هو يقول ههه حمد الله مكنتش فيها
فقيه معڭاز
قالك هدا واحد لفقيه معكاز مزياااان واحد نهار في الجمعة دار الخطبة أوصلا بالناس ميلي سالا قال ليهم : شكون اللي عارف قصة سيدنا داود كولشي هز صبعو أوهو يقول ليهم :بلا ما تجيو الجمعة الجاية
............................................................................................................
من أين يبدأ وينتهي الحب ؟؟
سُإِلَ حكيم ...من أين يبدأ و ينتهي الحب ؟ فقال يبدأ من العين و ينتهي منها أيضا .
فقيل كيف ذلك ؟ فقال الحكيم يبدأ بنظرة من العين وينتهي بِكْرُوشِيَة ديال خوها من نفس العي
.............................................................................................................
معڭاز ضبر على خدمة
واحد معكاز بزااف ... قال لصاحبو : دبرت على خدمة. قال ليه مبروك فين ؟؟
قالو فمطبعه...كانكلس فوق الوراق باش مايطيروش
واحد المكلخ كان سهران ف دار صاحبو، وملي بغى يمشي لدارهم، لقى الشتا كتصب.
قال ليه صاحبو : غير بات عندي اليوم، الدنيا هانية. ومشى للكوزينة يوجد أتاي
ملي رجع، لقى المكلخ كله فازg، وهو يسولو: منين جاك هاد الما؟
قال ليه المكلخ : غير مشيت لدارنا جبت بيجامة ورجعت
واحد مشى لأوطيل (فندق) وسولوهم: بشحال ليلة ف بيت كيطل على البحر؟
قالوا ليه: 600 درهم
قال ليهوم خينا: وبشحال غادي تخليوها ليا إيلا حلفت ليكوم بالله ما نطل من الشرجم؟
واحد قال لصاحبو: أنا احتمال خمسين بالمية نتجوج بهيفاء
قال ليه صاحبو: وكيفاش زعما؟
قال ليه لاخور: أنا ودارنا موافقين، بقات غير هي ودارهم.
واحد محشش جالس ف القسم، كل شوية كيضحك
ف التالي ضحك واحد الضحكة بالجهد
قال ليه المعلم: نتا مالك واش تسطيتي؟
قال ليه المبوق: راه كنت كنعاود لراسي النكت، واخر وحدة أول مرة نسمعها
موضوع: مجموعة من النكت المغربية الجديدة 2013 
الأربعاء فبراير 27, 2013 5:50 am