الشارفة دات ولد بنتها لطبيب !!
.بعدما دوز له سولها أشنو سميتو ....قالت ليه ديبلوم قالها علاش سمتيه ديبلوم قلت ليه والو سيفطت بنتي ألجامعة تقرا جابتو معاها !!
الأستاذ ڭال لواحد المكلخ : رسم ليا حمار
المكلخ : وقف ا أستاذ ماتحركش
جميلة'' رجعت الى بلادها بعد دراسة في امريكا..
فسالها ابوها : آش كتعودي أ جميلة؟
قاتلو : اسمي ولى ''جم'' ، حنت في امريكا ينادون باول حرفين من الاسم فقط..
قال ابوها : الحمدلله ، اختك ''زبيدة'' ما بعتناهاش لامريكا ..
مغربي دخلوه يخدم عساس ف مقبرة، تفاهمو عليه صحابو باش يخوفوه فالليل لبسو ليزارات بيضة و خرجولوا .غير شافهم..
سد باب د المقبرة و بقا يجري موراهم وقالهم يلاه كل واحد يرجع لقبروا، واش الموت ولات لعبة !!
قالك جوج مكلخــين ماشيين في الطريق والشتا كتطيح بزاف....
جات واحد الطوموبيل رشاتهم بالما....
كعاو...
جا واحد قال لاخر ..
ولد الحرام ...شفتي دابا كون كنا في طنجة..كون نزل داك الطنجاوي من
الطوموبيل و طلب منا السماحة و عرضنا للدار ديالو ..
و بدلنا علينا الحوايج و منين نكونو خارجين يعطينا 500 الدرهم.
جا صاحبو قاللو...هاي هاي علاش وقعتلك شي مرة؟..
جا هو قاللو...
لا ما وقعتليش بالحق وقعت لاختي
أﺏ كينصح ولدو :
شفتي أولدي...
العيالات بحال ﺍﻟﻔﻮﺍﻛﻪ
ﻭﺣﺪة بحال البوعويد.. ﻭﺍﻟﺘﺎﻧﻴﻪ بحال البنان
ﻭكاينين اللي بحال الدلاح واللي بحال الفريز والتوت
خاصك انتا اللي ﺗﺨﺘﺎﺭ الفاكهة اللي كتعجبك
ﻗﺎﻟﻪ :وانتا أبابا اينا فاكهة اختاريتي فاش تزوجتي الواليدة
ﻗﺎﻟﻪ :اولدي فيامنا احنا...
كانت غير الهندية والشريحة
مبوق شاف واحد صومالي
قالو أنت صيني ؟
استغرب الصومالي و قال لا
قعد شـويه ورجع وسأله ياخويا أنت صيني ؟
تنرفز الصومالي قال لا ياخويا
قعد شـويه وقاله : مال امك صينيه؟
غضب
الصومالي وقال
ايه ٱنا صيني وامي صينيه واسمي شونغ لي زو •
ارتحت
قال المبوق: غريبه تقول صومالي سبحان الله
عجوزة عمرها 80 سنة متهمينها بجريمة قتل ..
قالت : والله العظيم أنا بريئة !!
قاللها القاضي : لكن كل الأوصاف منطبقة عليك !!
قالت : شنية الأوصاف ؟؟
قاللها : بنت جميلة و رشيقة و جذابة و مزيانة !!
تبسمت و قالتلو :
ما كنتش ناوية نقتلو !!